Լարված իրավիճակ. 30-ամյա երիտասարդը ցանկանում է ինքնասպան լինել
Քիչ առաջ ոստիկանության Աբովյանի բաժնի աշխատակիցները Տարածքային կառավարման և արտակարգ իրավիճակների նախարարության փրկարար ծառայության հոգեբան, փրկարար ծառայության լեյտենանտ Տիգրան Սարգսյանի հետ Կոտայքի մարզում կանխել են երիտասարդ տղայի ինքնասպանության փորձը: Ինչպես հայտնում է ֆոտոլրագրող Գագիկ Շամշյանը, ոստիկանության Աբովյանի բաժին և ՏԿԱԻՆ օպերիատիվ կառավարման կենտրոն ահազանգ է ստացվել ժամը 19:00-ի սահմաններում, որ քաղաքացին փորձում է Նոր Հաճնի կամրջից իրեն ցած նետել: Օպերատիվորեն ժամանել են և’ ոստիկանները և’ փրկարարները և’ շտապօգնության հերթապահ խումբը և մեկուկես ժամ տևած բանակցությունների արդյունքում կարողացել են Աբովյան քաղաքի բնակիչ, 30-ամյա Վահրամ Հարությունյանին համոզել, որպեսզի նա չդիմի այդ ծայրահեղ քայլին: Տեղում աշխատել են նաև թիվ 45 հրշեջ-փրկարարական ջոկատը, ճգնաժամային կառավարման ազգային կենտրոնի օպերատիվ խումբը` Հարությունյանի գլխավորությամբ: Այս պահին Վ. Հարությունյանը տեղափոխվել է Աբովյանի հիվանդանոց: Թե ինչն է եղել երիտասարդի կողմից ինքնասպանության փորձի պատճառը` ոստիկանությունը ճշտում է: Ֆոտոլրագրողի տեղեկություններով` փրկարարներին և հոգեբանին օգնել են նաև երիտասարդ տղայի հարազատները:
Հետևեք մեզ Viber-ում
