Ֆորսմաժորային փոփոխություններ
Հրապարակը գրում է.Բավականին հետաքրքիր իրավիճակ է ստեղծվել Կարեն Կարապետյանի՝ ՀՀԿ-ին անդամագրության շուրջ։ Կտրեն Կարապետյանն ու իր թիմը չեն շտապում այդ հարցում, օրինակ են բերում Տիգրան Սարգսյանին, որը բավականին ուշ անդամագրվեց, սակայն ՀՀԿ մեր աղբյուրները պնդում են, որ հարցն արդեն իսկ լուծված է, եւ նոյեմբերի 26-ի ՀՀԿ համագումարում Կարապետյանը կմտնի կուսակցություն. «Շարմազանովը հո չքնեց-զարթնեց՝ մի օրում ասաց՝ չի բացառվում»։ Ի դեպ, նույն աղբյուրների փոխանցմամբ, ՀՀԿ առաջիկա համագումարը կլինի «ւսհավոր» պատմական։ «Տեղի կունենան այնպիսի ֆորսմաժորային փոփոխություններ, կհնչեն այնպիսի հարցեր, ու կլսվեն պատասխաններ, որ «բոլորն իրենց աթոռներից կընկնեն»,– անբեկանելի տոնով ասաց մեր աղբյուրը։ Ինչ փոփոխությունների մասին է խոսքը։ «Կառուցվածքային եւ մնացյալ»։ Օրվա մյուս հրապարակումներին ծանոթացեք թերթի այս համարում:
Հետևեք մեզ Viber-ում
