Արտառոց դեպք`Սեուլում

COEX ակվարիումում ամենամեծ շնաձուկը կերել է մեկ այլ շնաձկան, հաղորդում է Reuters-ը: Միջադեպն արդեն անվանել են «պատերազմ տարածքի համար»: Նշվում է, որ COEX-ում դա առաջին նման դեպքն է: 8-ամյա էգ շնաձուկը դանդաղորեն կերել է արուին: Հարձակվող շնաձկան երկարությունը կազմել է մոտ 2.2 մետր, զոհինը` 1.2 մետր: Նշվում է, որ միջադեպից 5 րոպե անց շնաձուկը լողում էր` երախից կախված հարևանի մարմնով: Մոտ 21 ժամ անց կախված էր միայն նրա պոչը: Ակվարիումում պատմել են, որ զոհը կմնա շնաձկան երախում ևս 4-5 օր, իսկ մոտ մեկ շաբաթ անց նա այն կփսխի, քանի որ չի կարողանա մարսել: