Պուտինի պլանները

Նավթի արդյունահանման մակարդակի սառեցումը կամ կրճատումը կարևոր որոշում է նավթի շուկայում կայունություն ապահովելու համար, և Ռուսաստանը պատրաստ է միանալ համապատասխան համաձայնագրին: Այս մասին երկուշաբթի օրը Ստամբուլում անցկացվող Համաշխարհային տնտեսական համաժողովի հատուկ նիստի ժամանակ հայտարարել է ՌԴ նախագահ Վլադիմիր Պուտինը, գրում է ТАСС-ը: «Ռուսաստանը պատրաստ է միանալ արդյունահանման սահմանափակման համատեղ քայլերին և կոչ է անում դա անել նավթի մյուս արտահանողներին»,- ասել է նա: Պուտինն ընդգծել է, որ Ռուսաստանը հետագայում ևս կհամագործակցի էներգետիկայի ոլորտում բոլոր շահագրգիռ կողմերի հետ` «փոխշահավետ և հավասար գործընկերության սկզբունքների հիման վրա»: Լրատվամիջոցը հիշեցնում է, որ հոկտեմբերի 10-ին Սաուդյան Արաբիայի էներգետիկայի նախարար Հալիդ ալ-Ֆալիհը Ստամբուլի համաժողովի ժամանակ ելույթի ընթացքում հայտարարել է, որ նավթի գինը 2016 թվականի վերջին կհասնի բարելի համար 60 դոլարի: