Վրաստանում ինձ ոչ ոք մատով չի դիպչի. Սաակաշվիլի

Կարող եմ  հանգիստ գնալ Վրաստան, որտեղ նրա դեմ մի քանի քրեական գործ է բացված, և նրան ոչ ոք մատով չի կարող դիպչել, հայտարարել է  Վրաստանի նախկին նախագահ, այժմ Ուկրաինայի Օդեսա շրջանի նահանգապետ Միխեիլ Սաակաշվիլին ,այդ մասին նա ասել է «112 Ուկրաինա» հեռուստաալիքի եթերում։ Նա վստահ է, որ իրեն կպաշտպանեն նրա աջակիցները, ինչպես նաև զինվորականներն ու իրավապահները, որոնք «աջակցում են իր քաղաքական ուժին»։ «Նրանք  հարուցել են քրեական գործ, սակայն վերջերս Թբիլիսիի կենտրոնում հանրահավաք էր, որին մասնակցում էր 70.000 մարդ, դա շատ է։ Դա նշանակում է, որ այնտեղ անգամ մատով ինձ չեն դիպչի այն պայմաններում, երբ գրեթե ամբողջ ոստիկանությունը մեր կողմից է, զինված ուժերը մեր կողմից են, այսինքն՝ օրինականության ու պետականության կողմից։ (Բիձինա) Իվանիշվիլիի իրավապահների ուժերը չեն բավարարի, նրանց ձեռքերը չափազանց կարճ են ինձ բռնելու համար»,- ասել է Սաակաշվիլին։   Նա նաև հայտարարել է, որ անպայման կմեկնի Վրաստան խորհրդարանական ընտրություններից հետո, սակայն դա կլինի ոչ վերադարձ, քանի որ նա մտադիր է շարունակել աշխատել Ուկրաինայում։