««Իսկանդեր»-ը մերն ա, բայց հո ձրի չի՞». Սեյրան Սարոյան
Այսօր լրագրողների հետ զրույցում ԱԺ ՀՀԿ-ական պատգամավոր, գեներալ Սեյրան Սարոյանն անդրադարձավ Հայաստանի արդիական զենքին` «Իսկանդեր»-ին, ասելով, որ թող ոչ ոք չկասկածի, որ այն Հայաստանինն է: «Մեր «Իսկանդեր»ներից մենք ենք վախենում, ադրբեջանցիները ո՞նց կարան չվախենան: «Իսկանդեր»-ը մերն ա, բայց հո ձրի չի՞: Ձրի սկի կնիկը մարդուն բան չի տա: Դա մեր սեփականն ա, մեր ջիպը ո՞նց եմ ես նստում քշում, այ տենց: Մուտիլովչիկներն են ըտենց բաներ խոսում: Ադրբեջանցիները շատ գիտեի՞ն, որ մենք «Իսկանդեր» ունենք, նոր հանեցինք մեյդան: Լսելը ուրիշ բան էր, տենալն` ուրիշ բան»,- ասաց նա: Հարցին, թե ինչո՞ւ ավելի շուտ չէր խոսվում այդ զենքի առկայության մասին, պատասխանեց. «Դե առիթ չկար, ռազմական գաղտնիք ա, հո ցույց չե՞ս տա թշնամուն: Մենք էնքա~ն լավ բաներ ունենք, հո մենակ էտի չէր: Էտի հլա մի հատ «Իսկանդեր» էր, բա ինչե~ր ունենք զապաս»:
Հետևեք մեզ Viber-ում
