Դպրոցներում դասերը կսկսվեն, բայց...

Փետրվարի մեկից հանրապետության բոլոր դպրոցներն ու մանկապարտեզները կբացեն իրենց դռները երեխաների առջեւ:  Հիվանդությունների վերահսկման եւ կանխարգելման ազգային կենտրոնի գլխավոր տնօրեն Արտավազդ Վանյանը տեղեկացրեց, որ դպրոցներում  էլ ժամանակավորապես չեն պարապի «Ֆիզիկական կուլտուրա» առարկան եւ բուֆետները եւս չեն գործի: Նա ծնողներին խորհուրդ տվեց  նույնիսկ հիվանդության թեթեւ նախանշաններ  ունեցող երեխաներին չտանել դպրոց կամ մանկապարտեզ: «Չնայած հասկանում ենք, որ դա բավականին ռիսկային է եւ համատեղ աշխատանք պետք է  տանենք, որ երկրորդ ալիքը չունենանք: Պետք է պահպանենք լիարժեք ջերմային ռեժիմը: Դպրոցներում եւ մանկապարտեզներում արդեն սկսվել է ջերմային մոնիտորինգը»,- հայտարարեց Արտավազդ Վանյանը: