Վարչապետը հրաժարվել է մասնակցել

Վերջին տարիներին ավանդույթ է ձևավորվել մատաղ սերնդի կրթության, դաստիարակության գործում ներդրած ավանդի և Ուսուցչի օրվա առթիվ մի շարք ուսուցիչների պարգևատումը:Իրենց տոնի առիթով մի շարք ուսուցիչներ արժանանում են պատվոգրերի ու շնորհակալագրերի,իսկ լավագույն ուսուցիչ և դաստիարակ ճանաչված մանկավարժները պարգևատրվում  են ավտոմեքենայով, լավագույն տնօրենը՝ համակարգչով: Տարիներ շարունակ  միջոցառմանը իրենց ներկայությամբ պատվել են վարչապետները և անձամբ հանձնել թանկարժեք մրցանակները: Մեր ունեցած տեղեկություններով սակայն ,նորանշանակ վարչապետ Կարեն Կարապետյանը հրաժարվել է մասնակցելայսօր կազմակերպված  պարգևատրման հանդիսավոր արարողությանը:  Ըստ նախօրեին ԿԳՆ տարածած հողորդագրության՝ հոկտեմբերի 5-ին, ժամը 14:00-ին Առնո Բաբաջանյանի անվան համերգասրահում Ուսուցչի օրվա կապակցությամբ տեղի կունենա 2016 թվականի «Լավագույն ուսուցիչ», «Լավագույն տնօրեն» և «Լավագույն դաստիարակ» մրցանակների հանձնման պաշտոնական արարողությունը: Միջոցառմանը կմասնակցի ՀՀ ԿԳ նախարար Լևոն Մկրտչյանը: