Նոր մամրամասներ Գյումրիում 11-ամյա դպրոցականի մահվան դեպքից. Երեխան հիվանդության վերաբերյալ թղթեր չի ունեցել

  Այսօր արտառոց դեպք է տեղի ունեցել Գյումրու Կույումջայանի անվան թիվ 21 հիմնական դպրոցում: Հինգերերորդ  դասարանի  աշակերտ Սարգիս Տիգրանյանի ինքնազգացողությունը ֆիզկուլտուրայի դասի ընթացքում անսպասելի  վատացել է: 11 ամյա երեխան մահամերձ վիճակում տեղափոխվել է Գյումրու Մոր և մանկան ավստրիական հիվանդանոց: «Երեխային շտապօգնության մեքենայով հիվանդանոց բերել են 11.15-ի կողմերը՝ արդեն մահամերձ վիճակում՝ սրտի կանգով, բայց դեռ կենսաբանական մահը չէր գրանցվել: Ռեանիմացիա ենք արել 40 րոպե, ամեն ինչով՝ դեղորայք, ապարատ, ոչ մի արդյունք չտվեց, գրանցվեց մահ»,– Tert.am-ին հայտնել էր  հիվանդանոցի տնօրեն Աշոտ Կուրղինյանը: ՀՀ կրթության և գիտության նախարարության հանրակրթության  վարչության  պետ Նարինե Հովհաննսիյանը hayeli.am-ի զրույցում տեղեկացրեց, որ  ողբերգական դեպքի կապակցությամբ ինքն արդեն զրուցել է Շիրակի մարզպետարանի կրթության  վարչության պետի և դպրոցի տնօրենի հետ. «Տեղի  է ունեցել շատ ցավալի դեպք, մենք բոլորս ցնցված ենք: Դպրոցում երեխան որևէ խնդիր չի ունեցել, առողջության հետ կապված փաստաղթեր՝ ֆիզկուլտուրայի դասից ազատվելու համար  չի ներկայացրել : Ես խոսել եմ վարչության պետի և  դպրոցի տնօրենի հետ: Տնօրեն  Հասմիկ Անդերասյանը ինձ տեղեկացրեց, որ  դեպքն անսպասելի է  եղել: Դպրոցում այդ օրը տեսչական ստուգում է   կատարվել և  երեխայի ինքնազգացութցույունը վատանալուց  րոպեներ առաջ ինքն ու տեսչության ներկայացուցիչը մտել են սպորտ դահլիճ:  Ֆիզկուլտուրայի ուսուցիչը մատյանն է լրացնելիս եղել, իսկ երեխաները  նստած են եղել երկար նստարանին: Տնօրենի ու տեսուչի դահլիճից դուրս գալուց մի քանի րոպե անց երեխան վատացել է,  անմիջապես կանչել են շտապօգնություն, ինչպես նաև երեխայի ծնողին: Ցավոք երեխային  փրկել չի  հաջողվել:   Տնօրենը զրուցել է նաև դասվարի հետ, նա ևս պատմել է, որ չորս տարիրների ընթացքում երեխան  դպրոցում ոչ մի անգամ ինքնազգացողության վատացում չի ունեցել:  Ընդամնեի մի անգամ ծնողները նրան տարել են Երևան՝ ճիճվաթափության  դեմ բուժման համար: Սակայն տնօրենի պատմելով հիվանդանոցում ուսուցիչներից մելը լսել է, որ երեխային ծնողներն ասել են, որ նախկինում մի անգամ երեխան ունեցել է ուշագանցություն, սակայն ընտանիքում կարծել են, թե դա կապված է եղել  երկար ժամանակ հաց կերած չլինելու  հանգամանքով:  Ամեն դեպքում դպրոցում վեճ, կռիվ, կամ որևէ  այլ միջադեպ չի եղել, ֆիզկուլտուրայի դասն էլ  նոր-նոր է սկսված եղել, ինչ-որ ծանրաբեռնող  ֆիզիկական վարժանք երեխաները դեռ չեն էլ կատարել:  Իհարկե բոլոր  հարցերի  վերջնական պատասխանը կտա  նախաքննությունը և օրենքով նախատեսված մնացած հետազոտությունները»,- մեզ հետ զրույցում նշեց Նարինե Հովհաննիսյանը, ավելացնելով որ  տնօրենի պատմելով երեխան եղել է  լավ սովորող, համեստ ու խելացի աշակերտ: Նարինե Հովհաննիսյանը նաև տեղեկացրեց, որ առողջական խնդիր ունեցող երեխաների համար կարգով նախատեսվում է բուժական ֆիզկուլտուրա՝ ըստ հատուկ խմբերի: Առանձին  դեպքերում,եթե կա համապատասխան բժշկական ցուցում,  երեխան ընդհանրապես ազատվում է ֆիզկուլտուրայի և Նախնական զինվորական պատրաստության դասերից:Դա չի ազդում աշակերտի ո՛չ  փոխոդրման, ո՛չ էլ առաջադիմության  վրա:   Կարինե Սարիբեկյան