Կոռուպցիոն սկանդալի մեջ կարծեմ նա չկա.Ազատ Արշակյան
« Սեյրան Օհանյանը աշխատանք կգտնի պետական համակարգում, կամ էլ բիզնեսում իրեն աշխատանք կառաջարկեն։ Կառավարական փոփոխությունները, և ՊՆ-ի պաշտոնում Վիգեն Սարգսյանի նշանակումն արդարացված է: Եթե նույնիսկ Սահմանադրությունն էլ չփոխվեր, ՊՆ դերը այնքան մեծ է հիմա, որ Վիգեն Սարգսյանը փոխնախագահի կարգավիճակով է գնում ՊՆ»,-Հայելի ակումբում հրավիրված ասուլիսում հայտաարրեց Գերագույն խորհրդի պատգամավոր Ազատ Արշակյանը : «Վիգեն Սարգսյանը ոչ միայն վստահելի է Սերժ Սարգսյանի համար, այլ նաև մյուսների: Հիմա պաշտպանության նախարարը քաղաքական պաշտոն է դառնում։ Եթե ՊՆ-ից առանձնացնում ենք ռազմական բաղադրիչները, նրա վրա մնում են քաղաքական ֆունկցիաները»,-ասաց նա և հավելեց.«Այսուհետ բանակում ատկատներ չեն լինելու, քանի որ ապրիլյան պատերազմը ցույց տվել, որ ատկատները կործանում են մեր բանակը: Դատավարությունները, պաշտոնանկությունները հենց դրա մասին էին, որ ատկատները բացառվում է հայկական բանակում դա չպետք է լինի, իսկ Վիգեն Սարգսյանի մասին ես երբեք չեմ լսել, կոռուպցիոն սկանդալի մեջ կարծեմ նա չկա»։ Անդրադառնալով Գլխավոր շտաբի պետ Մովսես Հակոբյանին՝ պատգամավորը նորից սկանդալային դեպք չհիշեց։ Ասում է՝ շատ բան գիտի, բայց այս մեկի մասին տեղյակ չէ։
Հետևեք մեզ Viber-ում
