«Վազգենն է գաղութից ղեկավարում Ախթալան». Խաչիկյանը գաղութից սպառնում է ընտրողներին
«Հայկական Ժամանակ» թերթը գրում է. «Ախթալայի նախկին քաղաքապետ, հոկտեմբերի 2-ին սպասվող ՏԻՄ ընտրություններում ինքնառաջադրված Սուրեն Թամազյանն ահազանգում է, որ գործող քաղաքապետ Հայկազ Խաչիկյանը (Վազգեն Խաչիկյանի եղբայրը) վախի մթնոլորտ է տարածում համայնքում՝ սպառնալով, որ իր օգտին չքվեարկողները կզրկվեն աշխատանքից: Այս մասին մեր հետ զրույցում ասաց Սուրեն Թամազյանը: «Վախեցնում են ահավոր ձեւի, ժողովուրդն ահաբեկված է, բոլորին սպառնում են, եթե Խաչիկյանին չընտրեք՝ աշխատանքից կազատվեք: Մարդիկ վախենում են ինձ բարեւեն, հեռախոսով հետս խոսում են, բայց որ դրսում տեսնում են, վախենում են բարեւեն»,-ասաց Թամազյանը: Նա նաեւ ուշագրավ հայտարարություն արեց Ախթալայի մասին: «Վազգենն է գաղութից ղեկավարում Ախթալան, Հայկազն ո՞վ է, որ կարողանա ինչ-որ բան անել: Կալանավոր է, բայց հեռախոսը ձեռքից չի գցում, գործող քաղաքապետը մեկին մի տեղեկանք տալու համար էլ պիտի զանգի, ախպոր հետ համաձայնեցնի: Վազգենն էլ Ախթալայում բոլորի համարներն ունի, օրը տասն անգամ զանգում է՝ սպառնում, վախացնում»: Ամբողջությամբ կարող եք կարդալ «Հայկական Ժամանակ» թերթի այսօրվա համարում:
Հետևեք մեզ Viber-ում
