«Լավագույններին փչացնում, դարձնում են հանցագործ». Արտավազդ Բայաթյան. տեսանյութ
«Տպավորություն է, որ փոփոխության ցանկություն չկա, ամեն ինչ արվում է հին բոլշեւիկյան մշակված սխեմայով՝ իշխանությունն ամեն գնով պահվում է: Կարելի է անվանափոխություն անել, ունենալ Դեմոկրատական կամ Դաշնակցական կուսակցություն, որը միեւնույն է՝ Բոլշևիկյան է: Պիտի շատ լավ ֆանտազյոր կամ ուտոպիստ լինենք, որ հույսեր կապենք մեր երկրում տեղի ունեցող փոփոխությունների հետ»,-այս մասին Հայելի ակումբում ասաց երգիչ, երգահան Արտավազդ Բայաթյանը: Երգահանն անդրադառնալով նորանշանակ Մշակույթի նախարարին՝ նշեց, որ մեծ հույսեր չի կապում: «Մենք կարող ենք տեսնել լավ, հետաքրքիր մարդկանց տարբեր պաշտոններում, բայց հիմքը պետք է առողջ լինի, կարող են լավ մարդուն այնպես փչացնել, որ նա դառնա հանցագործ: Մեզ մոտ ավանդույթ է լավ արվեստագետին փչացնելը, հեղինակազրկելը»,-ընդգծեց երգիչը՝ կարևորելով՝ երկրում օրենքները լինեն բոլորի համար, և եթե փոփոխություններ ենք ակնկալում, պետք է գան մարդիկ, ովքեր կաշառակերության, թալանի ախտով չեն տառապում: Լուսինե Միքաելյան
Հետևեք մեզ Viber-ում
