«Ամոթալի, ճղճղան ձայնով գարշանք են մատուցում». Դավիթ Գասպարյան. տեսանյութ
«Այդ խայտառակ, ամոթալի, ճղճղան ձայնով երգերը տհաճություն են պատճառում: Հեռուստաալիքը փոխում ես՝ լցված են տհաճ հաղորդումներով և գարշելի սերիալներով: Ես մեծ հույսեր եմ կապում նորանշանակ Մշակույթի նախարար Արմեն Ամիրյանի հետ»,-այս մասին Հայելի ակումբում ասաց գրականագետ Դավիթ Գասպարյանն՝ անդրադառնալով մեծ աղմուկ բարձրացրած «Ամենակարող երգիչ» հաղորդմանը՝ հավելելով, որ ճղճղան ձայնով գարշանք է մատուցվում: Գրականագետի խոսքով՝ Երևանը գրքի մայրաքաղաք հռչակվեց, սակայն Չարենցի 400 օրինակ գրքերը «կալանավորեցին»: Ըստ գրականագետի մենք ցեխի մեջ ենք խրված և հարկավոր է լուրջ քայլեր ձեռնարկել: «Անընդհատ խաբում ենք ժողովրդին. հացի փոխարեն,ինչ որ բաժակ ենք տալիս: Ընդհանուր փոփոխություններ են հարկավոր, քանի որ առաջընթաց չենք գրանցել: Ռազմական շքերթ տեսանք, ուրախացանք, բայց հարկավոր է այլ հարցերի մասին էլ մտածել»,-նշեց Դավիթ Գասպարյանը: Լուսինե Միքաելյան
Հետևեք մեզ Viber-ում
