Ովքեր են մոլորակի ամենահարուստ մարդիկ

«Business Insider» հարթակը հրապարակել է մոլորակի 50 ամենահարուստ մարդկանց մասին հետազոտությունը, որն իրականացվել է «Wealth-X»-ի հետ համատեղ։ Այս մասին հաղորդում է Gazeta.ru-ն։ Վերլուծության համար վերցվել է տվյալների բազան, որի մեջ ընդգրկված են Երկիր մոլորակի 110 հազար ամենահարուստ մարդիկ։ Արդյունքում որոշվել են 50 ամենահարուստ, նյութապես ապահովված մարդիկ, որոնց ընդհանուր կարողությունը գնահատվում է մոտ 1.46 տրիլիոն դոլար։ Պարբերականը նշում է, որ դա ավելին է, քան Ավստրալիայի, Իսպանիայի կամ Մեքսիկայի տարեկան ՀՆԱ-ն։ Ցուցակը գլխավորել է «Microsoft» ընկերության հիմնադիր և նախկին խոշորագույն բաժնետեր 60-ամյա Բիլ Գեյթսը։ Նրա կարողությունը կազմում է 87.4 միլիարդ դոլար։ Նրան հետևում է 79-ամյա իսպանացի Ամանսիո Օռտեգան՝ 66.8 միլիարդ դոլար կապիտալով։ Նա հիմնադրել է «Inditex» ընկերությունը, ով ունի 5 հազար խանութ աշխարհի 77 երկրում։ Եռյակը փակում է 85-ամյա Ուորեն Բաֆետը՝ աշխարհի ամենահայտնի ներդրողներից մեկը։ Նրա կարողությունը գնահատվում է 60.7 միլիարդ դոլար։ Միլիարդատերերի ակումբ մտնելու համար պետք է ունենալ 14.3 միլիարդ դոլարից ավելի գումար։