Քննարկվել են Սիրիայում բնակվող հայությանն ոտքի կանգնեցնելու աշխատանքները

 Ն.Ս.Օ.Տ.Տ. Մեծի Տանն Կիլիկիո Արամ Առաջին Կաթողիկոսն Անթիլիասի Մայրավանքում հանդիպում է ունեցել Բերիոյ Հայոց Թեմի Առաջնորդ Գերաշնորհ Տ. Շահան Արք. Սարգիսյանի, Ազգային կենտրոնական վարչության և Բերիոյ Թեմի Ազգային վարչության ներկայացուցիչների հետ: Ն.Ս.Օ.Տ.Տ. Մեծի Տանն Կիլիկիո Արամ Առաջին Կաթողիկոսն Անթիլիասի Մայրավանքում հանդիպում է ունեցել Բերիոյ Հայոց Թեմի Առաջնորդ Գերաշնորհ Տ. Շահան Արք. Սարգիսյանի, Ազգային կենտրոնական վարչության և Բերիոյ Թեմի Ազգային վարչության ներկայացուցիչների հետ: Հանդիպում-խորհրդակցության նպատակն է եղել կազմակերպել  Սիրիայում բնակվող հայությանը ոտքի կանգնեցնելու առաջիկա աշխատանքները: Այս մասին տեղեկանում ենք կաթողիկոսարանի պաշտոնական կայքից: Վեհափառ Հայրապետը գնահատել է Սիրիայում բնակվող հայերի ամուր կապվածությունը Սիրիային և համայնքային կառույցներին՝ հակառակ շրջապատող աննպաստ պայմաններին: Արամ Առաջինը նաև գնահատել է առաջնորդ սրբազանի և ազգային մարմինների կատարած աշխատանքը, հայ ժողովրդի զավակներին օգնող մարմինների գործունեությունը: Վեհափառ Հայրապետը գնահատել է  Սիրիայում հայերի  միասնականությունը և կոչ արել, որ գաղութը լծվի վերականգնման աշխատանքներին: Հանդիպման ընթացքում շեշտվել է, որ Սիրիայի հայկական համայնքը՝ որպես Սիրիայի կարևոր քրիստնյա համայնքներից, պետք է իր ամբողջական և գործուն մասնակցությունն ունենա Սիրիան ոտքի կանգնեցնող բոլոր աշխատանքներում: