Սևան Նշանյանի անազատությունը և Օսման Քավալայի աջակցությունը. տեսանյութ
«Այդ որոշումը կայացվել էր 2014 թվականին, սակայն, քանի որ Նշանյանը գտնվում է բանտում, մեդալը հանձնելու հարմար պահ չեղավ։ Նրա բանտարկվելուց հետո ստեղծվեց նրա Ազատության և արդարության միջազգային կոմիտեն, և քանի որ ալիք է բարձրանում Սևան Նշանյանի ազատության հարցի շուրջ, մենք որոշեցինք նրան պարգևատրել Վիլյամ Սարոյանի մեդալով»,-այս մասին Հայելի ակումբում ասաց ԱԺ պատգամավոր Արագած Ախոյանը՝ հավելելով,որ չի հաջողվել հանդիպել Սևան Նշանյանի հետ և մեդալը կարողացել են հանձնել գլխավորի փաստաբանի միջոցով։Պատգամավորը նշեց,որ Օսման Քավալլայը աջակցել է պարգևատրելու արարողությունը կազմակերպելու ժամանակ, որը տեղի է ունեցել Սեպտեմբերի 23-ին՝ Ստամբուլում: Ըստ Արագած Ախոյանի, Սևան Նշանյանը, լինելով շատ համարձակ արվեստի և մշակույթի գործիչ, քննադատության էր ենթարկում իշխանություններին, բայց նրան ձերբակալել են իր սեփական այգում՝ իբր ապօրինի տուն կառուցելու համար,որից էլ պարզ է դառնում,որ նրա ձերբակալությունը ունի քաղաքական ենթատեքստ: «Եվ պատկերացնում եք, դրա համար՝ 17 տարի։ Դրանք բոլորը ենթատեքստեր են, քանի որ, կարծում եմ՝ ինչ-որ մեկի ճանապարհն էր հատել»,-շեշտեց պարոն Ախոյանը: Լուսինե Միքաելյան
Հետևեք մեզ Viber-ում
