Իտալական քաղաքում ծնվել է 28 տարում առաջին երեխան

Իտալիայի Օստանա քաղաքում ծնվել է 28 տարում առաջին երեխան, հայտնում է The Local-ը: Նորածնի շնորհիվ, բնակավայրի բնակիչների թիվը հասել է 85-ի: Նրանցից 41 հոգին Օստանայում է ապրում կլոր տարին: «Հրաշալի է, որ ինչ-որ մեկն այստեղ վերջապես ծնվեց»,- հայտարարել է քաղաքապետ Ջակոմո Լոմբարդոն: Նրա խոսքերով՝ փոքրիկի լույս աշխարհ գալը վկայում է այն մասին, որ բնակչության թվի նվազումը դադարեցնելու տեղի իշխանությունների փորձերը «դանդաղ գործում են»: Լոմբարդոն հիշեցրել է, որ 100 տարի առաջ Օստանան եղել է ծաղկող լեռնային միություն, որտեղ ավելի քան հազար մարդ է ապրել: Հետո բնակչությունը շարունակաբար նվազել է: 1980-ականներին Օստանայում մշտապես ապրել է ընդամենը 5 մարդ: Առաջիկա կիրակի քաղաքը ծրագրում է նշել նոր բնակչի ծնունդը: Տղայի ծնողներն են՝ իսպանացի ներգաղթյալ Խոսե Բերդուգո Վալյելագոն և իտալուհի Սիլվիա Ռովերեն: