«Տղա ջան, էդ ինչ ես անում». (Արթուր Գրիգորիչի ոճով)

Պետական միջոցներից ֆինանսավորվող Հանրային հեռուստատեսությամբ՝ Առաջին ալիքով եթեր հեռարձակվող, օրերս մեկնարկած՝ 6/8-ը՝ լավագույն տասնյակի կատարմամբ նոր երաժշտական նախագիծը՝ «Ամենակարող երգիչը», մեծ աղմուկ է բարձրացրել հանրության շրջանում:Հանրային հեռուստաընկերությունը պարտավոր է իր լսարանի համար պատրաստել մշակութային բարձր արժեք ներկայացնող հաղորդումներ, քանզի նրա նպատակը կայանում է նրանում, որ հասարակությանը կրթի և զարգացնի: Հանրային հեռուստաընկերությունը ֆինանսավորվում է բացառապես Հայաստանի հանրապետության բնակչության միջոցներով, այս իսկ պատճառով իրավունք չունի նման ճղճիմ հաղորդումների միջոցով լսարան ապահովել: Այս պատճառով էլ քղաքացիների մոտ զայրույթ է ատաջացել, և նրանցից շատերը պահանջում են դադարեցնել հաղորդման հեռարձակումը՝ առաջարկելով ստորագրահավաք կազմակերպել: Ինչպես արդեն տեղեկացրել ենք՝ ժյուրիի կազմում ընդգրկված են ռաբիս ժանրի նվիրյալներից մեկը՝ Սպիտակցի Հայկոն, Նադեժդա Սարգսյանը, Գրիգոր Նազարյանը, Արթուր Գրիգորյանը, վերջինս իդեպ իր գործունեության ողջ ընթացքում առրևույթ պայքարել է այդ երևույթի դեմ: Երգի պետական թատրոնի գեղարվեստական ղեկավարը մշտապես դեմ է եղել 6/8 ժանրին և իր սաներին հորդորել զերծ մնալ նման երգեր կատարելուց: Արթուր Գրիգորիչն, անգամ, իր հարցազրույցներից մեկում ամոթանք տալով երգիչ Արամեին, դատափետելով նրա աշխատանքն ու երգելաոճը՝ ասել է. «Տղա ջան, էդ ինչ ես անում»: Այժմ՝ պարոն Գրիգորիչ՝ «քաղկենիզմն էլ սահման ունի, այս ինչ եք անում»: Ռուբինա Սաֆարյան