«Հ1-ի ռաբիսական խրախճանք. ապազգայնացումը շարունակական է լինելու». Վահան Արծրունի

Պետական միջոցներից ֆինանսավորվող Հանրային հեռուստատեսությամբ՝ Առաջին ալիքի եթերով, մեկնարկել է՝ 6/8-ը՝ լավագույն տասնյակի կատարմամբ նոր երաժշտական նախագիծը՝ «Ամենակարող երգիչը»: Ժյուրիի կազմում ընդգրկված է,ինչպես հաղորդման մեջ է ասվում՝ ռաբիս ժանրի նվիրյալներից մեկը՝ Սպիտակցի Հայկոն: Թեմայի շուրջ զրուցեցինք երգահան Վահան Արծրունու հետ: «Իմ կարծիքով սա նորմալ երևույթ է,  և համարում եմ, որ այստեղ ոչ մի արտառոց բան չկա: 25 տարվա մեր մշակութային քաղաքականությունը, ռաբիսների արժևորումը և մնացած ապազգային երևույթներն արդի ոլորտում այնպիսին է եղել, որ նման ձևաչափի հաղորդման հայտնվելը համարում եմ բնական և տրամաբանված»,-նշեց մեր զրուցակիցը՝ հիշեցնելով, որ այդ ռաբիզ երգիչներին արժևորում են իրենց վաստակավորի կոչումներով և այդ մարդիկ՝ տարիներ շարունակ զբաղվում են այդ գործով: «Նման նախագծերը 25 տարվա ընթացքում էլ են ցուցադրվել:Առաջին անգամ Արամ Ասատրյանը ի հայտ եկավ «Մեր բակը» ֆիլմում, որը կես տարի հետո արժևորվել է որպես անկախ հանրապետության դասական նմուշ:Ի՞նչը կարող է որևէ մեկին զարմացնել:Մեր անկախության 25 ամյակի՝ կառավարական համերգը նույն ռաբիսական խրախճանքը չէ՞ր,նույն ռաբիսները չէի՞ն բեմի վրա կանգնած»,-հիշեցրեց Վահան Արծրունին՝ շեշտելով,որ սա ապազգային քաղաքականության հերթական դրսևորումն է, որը շարունակական է լինելու: Լուսին Միքաելյան