Գավառական, անճաշակ, ռաբիս մշակույթը պետական մակարդակով հովանավորություն ունի
Գավառական, անճաշակ, ռաբիզ մշակույթը պետական մակարդակով հովանավորություն ունի: Այս հաղորդումը դրա լավագույն վկայությունն է: Հանրային հեռուստատեսությամբ գովազդվում է քյաբաբային, ռեստորանային երաժշտությունը: Այո՛, գրեթե բոլորս էլ հարսանիքներին լսում ենք սա, պարում, ուրախանում այս հնչյունների ներքո. ոչ մեկս չի ժխտում դա, բայց այս ամենը եթեր հանել, դրանով ճաշակ թելադրելն ուղղակի անթույլատրելի է: Միանգամից երևում է, որ մեր երկրում իշխում են գավառական բարքեր, խրախոսվում է ցածր ճաշակը, փայլերի տակ քողարկված գեղցիությունը: Չնայած ուրիշ բան սպասելի էլ չէ. մշակութային քյաբաբամայր նախարարուհու, խորովածակուլ, ճարպակոլոլ պատգամավորների ու ղեկավարների օրոք, բնականաբար, պետք է ծաղկում ապրի նրանց սրտին ու հոգուն հարազատ մշակույթը: Իսկ նրանց Լուկուլլոսյան ճաշկերույթները «ծաղկեցնող» Սպիտակցի Հայկոն եթերից խորհուրդներ է տալիս՝ ինչպես ավելի լալահառաչ կլկլացնել, որպեսզի քյաբաբի հաստաբեստ շերտերը ավելի նազանքով լափվեն: Սա Հանրային հեռուստատեսության սև էջերից մեկն է, որն անանց բծի պես կմնա այս հաղորդման մտահաղացողների և իրագործողների կենսագրության մեջ:
Հետևեք մեզ Viber-ում
