«Հ.Աբրահամյանին պաշտպանել եմ ու կպաշտպանեմ.լափած տնտեսություն էր ընդունել».Գ.Եղիազարյան
«Ես միշտ պաշտպանել եմ Հովիկ Աբրահամյանին, այսօր էլ եմ պաշտպանում, նա ընդունեց մի տնտեսություն, որը նրանից նախորդը լափել, գնացել այնտեղ նստել է։ Ես իր փոխարեն չէի ընդունի: Հիմա նոր մարդ է եկել՝ Կարեն Կարապետյանը, որին ճանաչում եմ ավելի քան 20-25 տարի, նա Աստծո կողմից օժտված, լավ կրթություն ստացած մի մարդ է, տեսքն էլ՝ տեղը: Ասում են՝ Մարտիրոսյան Գագիկին բերեց, բա ո՞ւմ բերեր: Մարտիրոսյան Գագիկն այն վատագույն տարիներին կարողացավ ոտքի կանգնեցնել ամենածանրագույն ոլորտներից մեկը՝ մեր էներգահամակարգը, եթե չբերեր նրան, ո՞ւմ բերեր»,- այս մասին Հայելի ակումբում ասաց ԱԱԾ պետի նախկին տեղակալ Գուրգեն Եղիազարյանը: Հարցին՝ Գագիկ Մարտիրոսյանի հետ կապված կոռուպցիոն սկանդալները չե՞ք հիշում, Գ. Եղիազարյանը պատասխանեց. «Մեկը հիշեցրեք՝ անմիջապես կհիշեմ, այն ժամանակ ես Անվտանգությունում էի, խնդրում եմ՝ մեկ դրվագ հիշեցրեք, ես մոռացել եմ, հիշեցրեք մի հատ»։ Պարոն Եղիազարյանի խոսքով՝ այս նոր նախարարները այնպիսի մարդիկ են, որ նույնիսկ չենք կարող ասել, թե ով ինչ բիզնես է ղեկավարում և ինչպես է թալանելու երկիրը: Լուսինե Միքաելյան
Հետևեք մեզ Viber-ում
