Խաչատուր Սուքիասյանը՝ երեկ Գյումրիում կատարվածի մասին
Այսօր լրագրողների հետ զրույցում «ՍԻԼ կոնցեռն»- ի նախագահ Խաչատուր Սուքիասյանը, պատասխանելով հարցին՝ արդյոք քաղաքական ենթատեքստ կար Գյումրու՝ ԲՀԿ -ական թեկնածուի որդու մահվան մեջ, ասաց. «Ես ցավում և ցավակցում եմ այդ ընտանիքին: Ինչպես կարող եմ քաղաքական ենթատեքստ տեսնել,եթե տեղյակ չեմ՝ ինչ է կատարվել Գյումրիում: Դժբախտություն է»: Խաչատուր Սուքիասյանն անդրադարձավ նաև օրվա խորհրդին՝ նշելով, որ ցանկացած ժողովուրդ, ցանկացած ազգ, եթե անկախ պետականություն, պետություն է ունենում, դա ամենամեծ ձեռքբերումն է: Ըստ գործարարի՝ պատմության ընթացքում դա է ապացուցվել: Խոսելով նոր ձևավորվող կառավարության մասին, գործարարը նշեց, որ պետք է ժամանակ տալ, և ցանկացած նոր ձևավորված կառավարության ինքը դրական է վերաբերում. «Ես նոր ձևավորվող կառավարությանը դրական եմ նայում, բայց պետք է հաշվի առնենք, որ կառավարությունը ամբողջությամբ դեռ ձևավորված չէ»: Նա նաև հավելեց, որ տնտեսության մասին չի կարող մեկ երկու բառով գնահատական տալ, քանի որ պետք է շատ հանգամանքներ հաշվի առնել և տեսնել, թե ինչ իրադարձություններ են կատարվել մինչ այսօր:
Հետևեք մեզ Viber-ում
