«Իսկանդերները» Ռուսաստանից հասել են Հայաստան. «Վեդոմոստ»
Անցած ուրբաթ սոցիալական ցանցերում հայտնվել են Երևանում Հայաստանի անկախության 25-ամյակին նվիրված շքերթի փորձի ժամանակ արված «Իսկանդեր» օպերատիվ-մարտավարական հրթիռային համալիրի լուսանկարները, գրում է«Ведомости» թերթը: «Իսկանդեր» համալիրի մատակարարումը հաստատել են ռուսական պաշտպանական արդյունաբերական համալիրի մենեջերները: Ինչպես նշվում է՝ «Ռոսօբորոնէքսպորտ» ընկերությունը դրա հետ կապ չունի, և այն ձեռք է բերվել ՀԱՊԿ-ում զենքի մատակարարման մասին համաձայնագրերի հիման վրա՝ շրջանցելով ռուսական պետական միջնորդին: Անցած տարվա վերջին իրավական տեղեկատվության ռուսական պաշտոնական կայքում հրապարակվել է սպառազինություն գնելու համար 200 միլիոն դոլարի չափով վարկի մասին ռուս-հայկական համաձայնագրի հավելվածը: Այդ փաստաթղթում «Իսկանդեր» համալիրը չի հիշատակվել, և պաշտպանական արդյունաբերության ձեռնարկության մենեջերի խոսքով՝ դրա մատակարարման պայմանագիրը կնքվել է առանց այդ վարկի միջոցների:
Հետևեք մեզ Viber-ում
