«Ամեն օր սահմանին քննություն ենք հանձնում» /տեսանյութ/
Այսօր՝ հունվարի 28-ին Հայոց բանակի օրը, Եռաբլուր զինվորական պանթեոն այցելեց նաև Պաշտպանության նախարար Սեյրան Օհանյանը: «Ցանկանում եմ, որ մենք բոլորս անենք ամեն ինչ՝ բանակի հետ միասին համաժողովրդական բանակի վերածվելու, մեր ժողովրդի անվտանգությունն ապահովելու համար: Այսօր զոհված հայորդիների անունը լսելիս՝ մեզնից յուրաքանչյուրի մեջ սարսուռ է անցնում և ցավն ու սխրանքը շաղախում, դարձնում է հպարտություն, հետո կարծրացնում, դարձնում պատասխանատվություն: Կարծում եմ՝ մեր բանակի մարտունակությունը թույլ է տալիս ասելու, որ տարածաշրջանում մրցունակ ենք ու հաղթանակած, ամեն օր շփման գծում և սահմանին իր առջև դրված քննությունը հայ զինվորը գերազանց է կատարում»,- նշեց նախարարը: «Ամեն օր Արցախում, մեր սահմաններին, շփման գծում իր առջև դրված քննությունը հանձնում է գերազանց կերպով»,- եզրափակեց նախարարը: Նախարարը հրաժարվեց պատասխանել օրվա խորհրդից դուրս հարցերին: Աստղիկ Ավագյան Մանրամասները՝ տեսանյութում:
Հետևեք մեզ Viber-ում
