Լավրովը հեռախոսազրույց է ունեցել Քերիի հետ

Շաբաթ օրը ՌԴ արտգործնախարար Սերգեյ Լավրովը հեռախոսազրույց է ունեցել ԱՄՆ պետքարտուղար Ջոն Քերիի հետ: ՌԴ արտգործնախարարության կայքում հայտնել են, որ այն տեղի է ունեցել ամերիկյան կողմի նախաձեռնությամբ, հայտնում է lenta.ru-ն: Նրանք քննարկել են Սիրիայի հարցով սեպտեմբերի 9-ի ռուս-ամերիկյան պայմանավորվածությունների կատարման ընթացքը: «Լավրովը հայտնել է, որ ռուսական կողմից կատարված ոչ առանց ջանքերի աշխատանքի արդյունքում հաջողվում է կարգավորել սիրիական իշխանությունների և ՄԱԿ-ի հարաբերությունները հումանիտար հասանելիությունը ընդլայնելու գործում: Նա կոչ է արել ամերիկյան կողմին նույն ձևով ազդել զինյալների վրա»,- նշված է ՌԴ ԱԳՆ մամլո ասուլիսում: Դրա հետ կապված Վաշինգտոնը շարունակում է խոսել սիրիական կառավարական ուժերի կողմից հրադադարի ռեժիմի խախտման մասին, իսկ Լավրովը կոչ է արել չսահմանափակվել մեղադրանքներով: Լավրովը պետքարտուղարի ուշադրությունը հրավիրել է որոշ անօրինական զինված խմբավորումների հրադադարին միանալուց հրաժարվելու վրա և հիշեցրել է Վաշինգտոնի պարտավորությունը ահաբեկչական խմբավորումներից չափավոր ընդդիմության ստորաբաժանումների առանձնացման վերաբերյալ, կամ էլ նրանց դեմ ուժի գործադրումը կրակի դադարեցման համար: