Սյունիքի մարզի Տեղ գյուղում բախվել են 28-ամյա վարորդի Opel-ն ու 32-ամյա վարորդի ГАЗ 5302-ը. կան վիրավորներ

Այսօր՝ սեպտեմբերի 17-ին, ավտովթար է տեղի ունեցել Սյունիքի մարզում։ Ժամը 15։00-ի սահմաններում Գորիս-Ստեփանակերտ ավտոճանապարհի 15-րդ կմ հատվածի Տեղ և Խնածախ գյուղերի խաչմերուկում բախվել են Ստեփանակերտ քաղաքի բնակիչ, 28-ամյա Սուրեն Սարգսյանի վարած Opel մակնիշի 90 NN 044 համարանիշի և Սյունիքի մարզի Տեղ գյուղի բնակիչ, 32-ամյա Արտակ Հայրապետյանի վարած ГАЗ 5302 մակնիշի 34 DA 695 համարանիշի ավտոմեքենաները։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի ուղևորներ՝ Ստեփանակերտ քաղաքի բնակիչներ, 25-ամյա Մխիթար Ապրեսյանը, 32-ամյա Յուրիկ Առաքելյանը և 28-ամյա Ռուբեն Ավետիսյանը թեթև մարմնական վնասվածքներով տեղափոխվել են Գորիսի բժշկական կենտրոն; Դեպքի վայր են ժամանել Ճանապարհային ոստիկանության 2-րդ սպայական գումարտակի 6-րդ վաշտի 2-րդ դասակի աշխատակիցները՝ վաշտի հրամանատար Անդրանիկ Շաղոյանի գլխավորությամբ։ Ժամանել են նաև ոստիկանության Գորիսի բաժնի օպերատիվ խումբը։ Վթարի մասին ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փոխանցել է Հայաստանի քննչական կոմիտեի Սյունիքի մարզային քննչական վարչություն, որտեղից դեպքի վայր է ժամանել քննչական խումբը՝ ավագ քննիչ Արման Մանուչարյանի գլխավորությամբ, ում կողմից փաստի առթիվ նյութեր են նախապատրաստվում։ Քննիչի հանձնարարականով մեքենաները տեղափոխվել են ոստիկանության Գորիսի բաժնի պահպանվող հատուկ տարածք։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: