ՀՅԴ պատգամավոր. Այսօր մամուլում գրում են էն, ինչը պահանջարկ ունի

Երեկ հայրենի խորհրդարանը  միանգամից  երկու քվեարկություն իրականացրեց՝ ընտրելով որպես ՀՀ գլխավոր  դատախազ Արթուր Դավթյանին, իսկ որպես ՀՌԱՀ անդամ՝ Տիգրան Հակոբյանին։ Ի դեպ, գաղտնի քվեարկության արդյունքները ամփոփող ԱԺ հաշվիչ հանձնաժողովի անդամների կազմում էր ԱԺ ՀՅԴ-ական պատգամավոր Կարեն  Շախմուրադյանը, ով Արծվիկ Մինասյանը՝ ՀՀ էկոնոմիկայի նախարար նշանակվելուց հետո միայն ստացավ  պատգամավորական մանդատ։ Ինչևէ, հաշվի առնելով, որ Կ. Շախմուրադյանը դեռևս դասվում է  խորհրդարանական  նորեկների շարքին՝ «Իրավուքը» տեղի ունեցած քվեարկության և հավիչ հանձնաժողովի իրականացրած աշխատանքի մասին փորձել է պարզել նրա  տպավորությունները։  Սակայն՝  ապարդյուն։  Արի ու տես, որ ՀՅԴ-ական պատգամավորը լրագրողներից  նեղսրտած է. «Շատ վատ է, շատ։  Այսօր մամուլում գրում են էն, ինչը պահանջարկ ունի, կարդացվում է, մեզ էլ վարկաբեկում են...»։ Հարցերը, թե ու՞մից, ինչի՞ց և ե՞րբ է ՀՅԴ-ական երիտասարդ պատգամավորը նեղացել, մնացին օդում կախված։