ՀՀԿ-ում բախումը խորանում է
ԱԺ աշնանային նստաշրջանը թեժ մեկնարկ ունեցավ, խորհրդարանը քննարկում էր Գլխավոր դատախազի թեկնածությունը, իսկ միջանցնքներում քծնողների շքերթ էր, ՀՀԿ-ականները լրագրողների գիրկն էին նետվում, որպեսզի իրենց բաժին քծնանքը հղեն նոր վարչապետ Կարեն Կարապետյանին, որի նշանակումը եղավ առավոտյան։ Եղան որոշները, որոնք ինքնամոռաց սկսեցին քննադատել անգամ թիմակցին՝ հեռացող վարչապետ Հովիկ Աբրահամյանին, որի նշանակման ժամանակ թեպետ նույն եռանդով դիֆերամբներ էին ձոնում Աբրահամյանի հասցեին։ ՀՀԿ խմբակցության պատգամավոր, գեներալ Սեյրան Սարոյանը մենազուսպն էր իր գովեստներում, նա սաց, որ հազիվ մի լավ տղա է ընկել ձեռներդ, հորդորեց լավ պահել։Փոխարենը ԱԺ փոխխոսնակ Էդուրադ Շարմազանովը կորցրել էր իրեն։ Նա քամահրական նետեց՝ Հովիկ Աբրահամյանն այդ կառավարությունն իր հոր տանից չի բերել, դա Հանրապետական կուսակցության կառավարությունն է եղել, ինչպես Հանրապետական կուսակցության կառավարությունն են եղել Վազգեն Սարգսյանի, Արամ Սարգսյանի, Անդրանիկ Մարգարյանի, Սերժ Սարգսյանի, Տիգրան Սարգսյանի կառավարությունները։ Որպեսզի ցցուն չլիներ իր հայտարարությունը եւ ՀՀԿ թերեւում տարածայնությունները, Շարմազանովը ձեռքի հետ էլ ՀՀԿ-ի վրայով անցավ, ասաց, որ Հովիկ Աբրահամյանի կառավարության թերացումների պատասխանատուն նաև ՀՀԿ-ն է:«Հիմա նոր իրողություններ են, Հայաստանում բարեփոխումների ժամանակաշրջան է, մեկնարկը տրվել է փետրվարի 12-ի՝ նախագահի ելույթով, և գուցե ապագա պատմաբաններն այս ժամանակաշրջանն անվանեն բարեփոխումների աշուն»,- շարունակեց ԱԺ փոխնախագահը:Նա պարզաբանեց, որ Հովիկ Աբրահամյանի ելույթից հասկացել` նրա հրաժարականը պետության համար անհրաժեշտություն է, և նա էլ՝ որպես պետական գործիչ, գնացել է այդ քայլին, ինքն էլ Հովիկ Աբրահամյանի այդ քայլը դրական է գնահատում: Ակնհայտ զուսպ էր վարչապետի թիմակից Վարդան Այվազյանը։Հարցին, թե արդյո՞ք ներսում բավարար ներուժ ու հարմար կադրեր չկային, որ Կարեն Կարապետյանին դրսից բերեցին, նշանակեցին վարչապետ, Այվազյանը պատասխանեց. «Հայաստանի Հանրապետության վարչապետի պաշտոնը կարող է զբաղեցնել ցանկացած քաղաքացի՝ օրենսդրութամբ, և տվյալ քաղաքացին կարող է ունենալ քաղաքական աջակցություն: Ի վերջո, քաղաքական մեծամասնության շրջանակներում է ձևավորվում քաղաքական և տնտեսական քաղաքականությունը, իսկ իրականացման հետ կապված որևէ խնդիր չի կարող լինել, կարծում եմ»:Ի դեպ, պատգամավորն ասաց, որ Հովիկ Աբրահամյանի հրաժարականը չէր նշանակում, որ նա «ձեռք չէր տալիս»: «Ես չեմ ասում, որ նախորդը ձեռք չէր տալիս, ես համամիտ չեմ այդ կարծիքին` ընդհանրապես, և ես աշխատել եմ ինքս էլ ու գիտեմ, որ ինչպես է եղել, պարզապես կարող է տեմպերի առումով փոփոխությունների անհրաժեշտություն կար»,- հավելեց նա: ՀՀԿ-ին չէին զիջում կոալիցիոն գործընկերները։ Աղվան Վարդանյանն ասաց, որ նոր իրավիճակ է,անհրաժեշտ էին նոր մոտեցումներ, և ակնկալելի, սպասելի էր Հովիկ Աբրահամյանի հրաժարականը։ Ակնհայտ է, որ ՀՀԿ-ի հայտնի թերեւում իրավիճակը միանշաանակ չէ ու դա ակնհայտ է դառնում նրանց հայտարարություններից։ Անի Սահակյան
Հետևեք մեզ Viber-ում
