Ռոբերտ Քոչարյանն արդեն «խփնված» ֆիգուր է
Հարցազրույց Հանրային խորհրդի անդամ Արշակ Սադոյանի հետ։ -Հովիկ Աբրահամյանի հրաժարականի պաշտոնական հիմնավորումն այն է, որ նոր դեմքեր, նոր մոտեցումներ են հարկավոր։ Ինչպե՞ս կմեկնաբանեք այդ որոշումը։ -Այն, որ նոր մոտեցումների անհրաժեշտություն կա, իհարկե, հրատապ անհրաժեշտ է։ Իշխանությունը հասկանում է, որ առաջիկայում, երբ կհաստատվի խորհրդարանական համակարգը, հին մոտեցումներով հնարավոր չէ շարունակել։ Քանի որ հազիվ թե Հովիկ Աբրահամյանը նոր մոտեցումների տիրապետի, որոշեցին փոխել։ -Ինչո՞ւ, ինչ չէր կարող անել Հովիկ Աբրահամյանը։ -Նա նույնիսկ նոր մոտեցումների պատկերացում չուներ, նա շարունակում էր հին ոճով, հին ճանապարհով։ Բնական է, այդպես էլ շարունակելու էր հետագայում։ -Այդ տրամաբանույամբ ողջ ՀՀԿ-ն պետք է փոխվի։ -Իհարկե, այդ տրամաբանությամբ ավելի մեծ արմատական փոփոխություններ են պետք, բայց քանի որ փոփոխություններ անողն իրենք են, բնական է նրանք փորձում են չասեմ կոսմետիկ, բայց որոշ փոփոխություններ անելով գոնե մասնակի արդյունքների հասնել։ -Կարեն Կարապետյանը քաղաքապետ աշխատելու տարիներին փոփոխություններ անում էր, որոնք միանշանակ չէին ընկալվում մեր հանրության կողմից։ -Գիտեք քաղաքապետ աշխատած տարիներին փորձեց նոր մոտեցումներ անել, չգիտեմ ինչքանով ընդունվեցին կամ չընդունվեցին, ես չեմ կարող գնահատել նրա կարողությունները ամբողջությամբ, պետք է ապրենք-տեսնենք՝ ինչ կլինի։ Բոլոր դեպքերում լայն հնարավորություն է ստեղծվել։ Կարեն Կարապետյանը առաջիկա երկու ամսվա ընթացքում պետք է ներկայացնի նոր մոտեցումների ծրագիրը, հիմա հայտարարվում է ազգային համաձայնության իշխանություն ստեղծելու մասին, ուստի բնական է, որ պետք է պարզել այդ ազգային համաձայնության մասին խոսացողները հասկանում են միայն հայաստանաբնակների՞, թե հայ ժղովրդի։ -Սերժ Սարգսյանն իր ելույթում ասաց՝ լայն մակարդակով։ -Եղավ, հիմա դրսի հետ կապված հարցերը ես փորձում եմ առաջ տանել, ստեղծել 10 միլիոն հայության պետության նման մի բան, խոսքը «Ազգ» կազմակերպության մասին է, դա արմատական մոտեցում է, որը որոշակի փոփոխություններ է պահանջում ՀՀ իշխանություններից։ Հանրային խորհդրի հետ քննարկումներից հետո ես ծրագրում եմ Կարեն Կարապետյանին առաջարկել ընդունել նաեւ այդ ծրագրերը։Ես ուրախ կլինեմ, որ դա հրապարակող հայտնվի։ Եւ առհասարակ այն կուսակցությունները, որոնք մտածում են հայ ժողովրդի ապագայի մասին, պարտավոր են ուղղակի իրենց ծրագրերը հրապարակեն , ներկայացնեն նոր ստեղծվող կառավարությանը։ թող լինի մրցակցություն, եթե կա ասելիք։ -Տեսակետ կա, որ Սերժ Սարգսյանը վերադարձնում է Ռոբերտ Քոչարյանի կադրերին, «մարդկանց»՝ Արմեն Գեւորգյան, Ալեքսան Հարությունյան եւ այլք։ -Ես կարծում եմ, որ Ռոբերտ Քոչարյանը արդեն խփնված ֆիգուր է, նա մաքսիմում կարող է փողային պաշտոններ ունենալ Ռուսաստանում։ Նա բոլորովին հիմար չի, հասկանում է, որ հեռանկար չունի նորից ղեկավարելու Հայաստանը, իսկ որեւիցե հույս ունենալ, որ իր հետ առնչություն ունեցող մարդկանց ինքը հետագայում կարող է որպես գորշ կարդինալ ղեկավարել, դրա հնարավորությունն էլ չունի։ Ինչի՞ որ մեկը որ մեկի մարդը չի, որ ասում եք իր մարդիկ են։ Նույնիսկ հավատարմության մեծ խոստումներ տվող մարդկիկ ղեկավարվում են իրենց նեղ կարիերայական շահերով։ Անի Սահակյան
Հետևեք մեզ Viber-ում
