Թուրքիա-ՌԴ էներգետիկ համագործակցության հյուս կա. թուրք նախարար
Թուրքիայի էներգետիկայի և բնական պաշարների նախարար Բերաթ Ալբայրաքը հայտարարել է, թե հույս ունի, որ Ռուսաստանի հետ առկա էներգետիկ նախագծերի իրականացումը կշարունակվի։ Այդ մասին նա ասել է NTV հեռուստաընկերությանը տված հարցազրույցում։ «Իհարկե, մենք գնահատում ենք էներգակիրների տարբեր այլընտրանքները, քննարկում ենք էներգակիրների մատակարարումների դիվերսիֆիկացման հարցն ու նոր մատակարարներ ենք փնտրում։ Սակայն էներգետիկ ոլորտում առկա հուսալի նախագծերի իրականացումը, որոնց հետ որևէ խնդիր չենք ունեցել, շարունակվելու է նույն ռեժիմով»,-ասել է նա։ Նախարարը հավելել է, որ ատոմային էներգետիկայի ոլորտում երկարաժամկետ և միջնաժամկետ նախագծերի իրականացման շարունակության հույս ունի։ Թուրքիայի վարչապետ Ահմեթ Դավութօղլուն ավելի վաղ ասել էր, որ «Աքքույու» ատոմակայանի շինարարության նախագիծը կասեցնելու համար պատճառ չի տեսնում։
Հետևեք մեզ Viber-ում
