Չինաստանի պարեկային նավերը մտել են Սենկակու արշիպելագի վիճելի ջրեր
Չինաստանի առափնյա պահպանության ծառայության պարեկային չորս նավեր մտել են Սենկակու արշիպելագի վիճելի ջրեր: «ՌԻԱ Նովոստի» լրատվական գործակալությունը, հղում անելով երկրի Ծովային անվտանգության ճապոնական վարչության մամուլի ծառայությանը, հայտնում է, որ նավերն արշիպելագի ջրերում հայտնվել են սեպտեմբերի 11-ի առավոտյան եւ, այնտեղ են մնացել շուրջ 1.5 ժամ՝ չնայած ճապոնական անվտանգության ուժերի պահանջներին: Նույն աղբյուրի փոխանցմամբ՝ նույնիսկ հեռանալուց հետո վերոնշյալ նավերը շարունակում են մնալ վիճելի ջրերի անմիջական հարեւանությամբ: Հավելենք, որ Սենկակու կամ Դյաոյույ կղզիներին Ճապոնիայի եւ Չինաստանի միջեւ վիճելի տարածք է, որի հարեւանությամբ նավթի պաշարներ են հայտնաբերվել: Դե-ֆակտո այդ տարածքը վերահսկում է Ճապոնիան: Չինաստանը հավակնություններ ունի այդ տարածքի նկատմամբ 1960 թվականների վերջից: Պաշտոնական Պեկինին այդ հավակնությունները հիմնավորում է հետևյալով. չինացիներն արշիպելագը հայտնագործել են XIV դարում, եւ այդ կղզիները չինական հողեր են:
Հետևեք մեզ Viber-ում
