Թուրքիան փախստականների համար ստացավ 348 միլիոն եվրո

France Presse լրատվական գործակալության փոխանցմամբ՝ Եվրահանձնաժողովը գործարկել է Թուրքիայում գտնվող սիրիացի փախստականներին 348 միլիոն եվրոյով օգնելու ծրագիրը: Այս մասին հայտարարել է ճգնաժամերի կառավարման ու մարդասիրական օգնության հարցերով եվրահանձնակատար Խրիստոս Ստիլիանիդիսը: «Այդ ծրագիրը ԵՄ-ի խոշորագույն մարդասիրական ծրագիրն է: Այն ուղղված կլինի Թուրքիայում ավելի քան մեկ միլիոն սիրիացի փախստականների վիճակի մեղմացմանը, նրանց երեխաների համար կրթության հնարավորության ընձեռմանը: Փախստականները կստանան էլեկտրոնային դեբետային քարտեր, որոնց ամեն ամիս կփոխանցվեն ֆինանսական միջոցներ, որոնց շնորհիվ նրանք կկարողանան իրենց երեխաներին ուղարկել դպրոց և ոչ թե աշխատանքի»: