Հայաստան մտնող ներմուծման ծավալները զգալիորեն կրճատվել են. տնտեսագետ /տեսանյութ/

«Մեր ներմուծումը, եթե 2014 թվականին կազմել է 4 միլիարդ 400 ԱՄՆ դոլարի կարգի գումար, ապա 2015 թվականի վերջին մենք ունենք 3 միլիարդ 254 հազար դոլարի կարգի ներմուծման տվյալներ»,-այսօր հրավիրված ասուլիսի ժամանակ հայտարարեց տնտեսագետ Վիլեն Խաչատրյանը: Տնտեսագետը առաջնորդվելով փաստացի հաշվարկներով փաստում  է.«Հաշվարկները ցույց են տալիս, որ մեկ միլիարդ 170 միլիոն ԱՄՆ դոլարով մեր ներմուծումը կրճատվել է: Մոտ 60 միլիոնով էլ կրճատվել է մեր արտահանումը»,-ընդգծեց Վիլեն Խաչատրյանը: «Մեկ մարդու հաշվարկով յուրաքանչյուր օր՝ մեկ դոլարով պակաս է ծախսվել: Եթե հաշվենք 4 հոգանոց ընտանիքի մակարդակով՝ 1500 դոլար քիչ է ծախսվել 2015 թվականի ընթացքում, որը ցույց է տալիս, որ մեր տնտեսության մեջ լուրջ անկման երևույթներ են նկատվել, որը արտահայտվել է առևտրաշրջանառության անկմամբ, որը կազմել է մոտավորապես 8 տոկոս»,-նկատեց տնտեսագետը ընդգծելով, որ խոսքը ներքին առևտրաշրջանառության մասին է և դրա համար էլ մեք գործ ունենք մասայական առևտրի կետերի և բազմաթիվ խանութների փակման հետ: Սա ցույց է տալիս , որ զարգացման տեմպերը անհնարին են: Տնտեսագետը անդրադարձավ նաև Ազգային վիճակագրական ծառայության հրապարակած  մակրոտնտեսական ցուցանիշներին .«Արտարժույթի միջազգային հիմնադրամը ժամանակ առ ժամանակ թարմացնում է տվյալները և հունվարի 20-ի դրությամբ այն թարմացվել է: Ամբողջ աշխարհի տնտեսության մասով կանխատեսումները պեսիմիստական են: Շատ քիչ են այն երկրները, որոնք թողնվել են նույն մակարդակի վրա կամ բարձարցվել են 0,1 կամ 0,2 տոկոսով»,-նշեց տնտեսագետը: Տնտեսագետը հետևում է բոլոր երկրների ցուցանիշներին. «Ինչ վերաբերվում է զարգացող և անկումային շուկաներ ունեցող երկրներին այստեղ կան որոշակի դրական զարգացումներ, մինչև 4,2  տոկոս տնտեսական աճտնտեսական աճ»,-փաստեց Վիլեն Խաչատրյանը: Վիլեն Խաչատրյանը անդրադարձավ նաև Հայաստանի ազգային վիճակագրական ծառայության արձանագրած տվյալներին, նշելով, որ դրանք դեռևս ճշգրտման կարիք ունեն: Լուսինե Ղազարյան Մանրամասները՝ տեսանյութում: