Իրանը Եվրոպային գազ կմատակարարի 2 տարի հետո

The Wall Street Journal-ին   National Iranian Gas Export Co-ի գործադիր տնօրեն Ալիռեզա Քամելին հայտնել է,որ  Իրանը նոր հնարավորություններ է որոնում բնական գազի արդյունահանման ու արտահանման համար, ներառյալ հեղուկացված գազի հզորության զարգացում, որպեսզի կարողանա այն Եվրոպա մատակարարել 2 տարվա ընթացքում: Նախագծերից մեկը ենթադրում է Iran LNG նախագծի աշխատանքների վերսկսում, որի 40%-ն ավարտվել էր մինչև 2012թ. միջազգային պատժամիջոցների սահմանումը: Նախագծի ավարտի համար հարկավոր է 3-4 տարի: Մյուս նախագիծը, որը կարող է իրացվել 2 տարում, ենթադրում է Օմանում գազատարի շինարարություն, որտեղ արդեն կա հեղուկացված գազի հզորություն: Իրանական ընկերությունները բանակցություններ են վարում եվրոպացի գործընկերների հետ իրանական գազի հեղուկացման լողացող տերմինալների շինարարության վերաբերյալ: