«Առևտուր Էլ-Բաբի շուրջ». «Միլլիյեթ»
Թուրքական «Միլլիյեթ» թերթը հրապարակել է «Առևտուր Էլ-Բաբի շուրջ» վերնագրով մի հոդված, որտեղ ներկայացվում է Սիրիայի Էլ-Բաբ շրջանի շուրջ ստեղծված իրավիճակը: Թերթի փոխանցմամբ՝ Անկարան հաստատել է, որ Էլ-Բաբի գործողության ընթացքում կլինի «Սիրիական ազատ բանակ»-ի կողքին: ԱՄՆ-ի ԶՈՒ-ն իր հերթին հայտարարել է, որ Թուրքիային կաջակցի միայն ԻՊ խմբավորման դեմ պայքարում և հավելել, որ իրենք քուրդ զինյալներին պատրաստում են Ռաքքայի գործողության համար: ԱՄՆ-ն թուրք-սիրիական սահման է ուղարկել HIMARS համազարկային կրակի ռեակտիվ համակարգեր, որոնցով նախօրեին արդեն խոցվել է «Իսլամական պետություն» մի քանի դիրք: Հիշեցնենք, որ թուրքական հատուկ նշանակության ուժերն օգոստոսի 24-ի առավոտյան մտել են Սիրիայի տարածք:
Հետևեք մեզ Viber-ում
