Ադրբեջանը պարտվե՞ց. քաղաքագետը ողջունում է արված աշխատանքը
«Պետք է ասել, որ այդ փաստաթղթերի հնարավոր քաղաքական ազդեցությունը հայ-ադրբեջանական քաղաքական գործընթացի վրա չեզոքացվել է վաղուց: Մինչ ԵԽԽՎ նստաշրջանի սկիզբը»,-Հայելի.am-ի թղթակցի հետ զրույցում, անդրադառնալով Եվրոպայի խորհրդի խորհրդարանական վեհաժողովի լիագումար նիստում տեղի է ունեցած խնդրահարույց բանաձևերի քվեարկությանը, ասաց քաղաքագետ Հրանտ-Մելիք Շահնազարյանը: Քաղաքագետը փաստում է, որ հակահայկական այս երկու բանաձևերը Ադրբեջանի համար կարող էին ընդամենը քարոզչական նշանակություն ունենալ, որը այսօր քվեարկությամբ չեզոքացվել է: Քաղաքագետը սկզբունքորեն հաղթանակ է համարում այն, որ քվեարկության արդյունքում մերժվել է Ռոբերտ Ուոլթերի «Բռնությունների աճը Լեռնային Ղարաբաղում եւ Ադրբեջանի այլ գրավյալ տարածքներում» տխրահռչակ բանաձևը: Հրանտ Մելիք-Շահնազարյանի փոխանցմամբ` Ուոլթերի հեղինակած բանաձևը առավել շատ քաղաքական նշանակություն ուներ, որի` չընդունվելու փաստը ողջունելի է: «Սարսանգի ջրամբարի վերաբերյալ բանաձևը ավելի շատ հումանիտար կողմ է պահում, և Ադրբեջանը դրա վրա բավականին երկար ժամանակ ու ծախսեր է ներդրել:Երկար աշխատանքի արդյունքում փորձել են զգալի արդյունքներ արձանագրել: Սակայն, մեր խորհրդարանականների աշխատանքը ավելի գնահատել է, քանի որ մեր տարած քաղաքական աշխատանքը արդյունք գրանցեց»,-ընդգծեց Հրանտ Մելիք-Շահնազարյանը: Հիշեցնենք, որ ԵԽԽՎ–ն քվեարկությամբ մերժել էր բրիտանացի պատգամավոր Ռոբերտ Ուոլթերի «Բռնության աճը Լեռնային Ղարաբաղում եւ Ադրբեջանի այլ գրավյալ տարածքներում» թեմայով զեկույցը, սակայն ընդունել էր բոսնիացի պատգամավոր Միլիցա Մարկովիչի հեղինակած «Ադրբեջանի սահմանամերձ շրջանների բնակիչները միտումնավոր զրկված են ջրից» թեմայով հակահայկական զեկույցը։ Լուսինե Ղազարյան
Հետևեք մեզ Viber-ում
