Ադրբեջանը բացատություն է պահանջում

Ադրբեջանական կողմը Հունաստանից բացատրություն է պահանջում: Report-ի փոխանցմամբ՝ Ադրբեջանի նավթային պետական ընկերության՝ SOCAR-ի նախագահ Ռովնագ Աբդուլաեւը հայտարարել է, որ խախտվել է նախկինում հաստատված Հունաստանի DESFA գազաբաշխիչ ցանցի օպերտորի ներկայացման թենդերի անցկացման կարգը: Նա նշել է, որ SOCAR-ը Հունաստանի կառավարությունից բացատրություններ է սպասում: «Փոխված կանոնների համաձայն՝ DESFA-ի արժեքը կրկնակի նվազում է: Եթե շահութաբերությունը նվազել է, ապա ընկերության արժեքը եւս չի կարող նախկինը մնալ: Այժմ Հունաստանի կառավարության հետ բանակցություններ են վարվում»,- հայտարարել է SOCAR-ի նախագահը: Նրա խոսքով՝ SOCAR-ից զատ, բանակցություններին մասնակցում է նաեւ իտալական Snam ընկերությունը: Անդրադառնալով DESFA-ից SOCAR-ի հրաժարվելու հարցին՝ Ռ. Աբդուլաեւը նշել է, որ SOCAR-ը տենդերում հաղթել է եւ չի պատրաստվում հրաժարվել: «Մենք մեր ճշմարտացիությունը կպաշտպանենք մինչեւ վերջ»,- հավելել է նա: