Թուրքիայում 14 հազար ուսուցչի կազատեն աշխատանքից

Թուրքական T24 առցանց թերթի փոխանցմամբ՝ Թուրքիայի վարչապետ Բինալի Յըլդըրըմը հայտարարել է, որ Ֆեթհուլլահ Գյուլենի շարժման հետ կապված ուսուցիչները կազատվեն աշխատանքից: Յըլդըրըմը մանրամասնել է, որ խոսքը երկրի արևելքում ու հարավ-արևելքում աշխատող 14 հազար ուսուցչի մասին է, որոնք, իշխանությունների կարծիքով, կապված են ահաբեկչական կազմակերպությունների հետ: Յըլդըրըմը հերթական անգամ հայտարարել է, որ PKK-ն չունի քրդեր անունով խնդիր, փոխարենը՝ քրդերն ունեն PKK անունով խնդիր: Յըլդըրըմը խոստացել է, որ Թուրքիան կշարունակի անզիջում պայքար մղել ահաբեկչական կազմակերպությունների դեմ: