Դաշնակցությանը շարքերից դուրս են հանում. Լևոն Շիրինյան

«5-6   տարի  է  մի  փաստ  թաքցվում  է  ժողովրդից.  կամ  չիմանալով  է  արվում, կամ  դիտավորյալ:Հանրապետական  կուսակցությունը  գիտենք,  որ  օլիգարխիկ  կառույց  է,  այսինքն  քաղաքական  և  տնտեսական մասը  ձուլված  են իրար  հետ:Այսպիսի  իշխանությունը  Արիստոտելը  համարում էր  պետություն՝  վատթարագույներից մեկը»,-այսօր Հայելի  ակումբում  քաղաքագետ  Լևոն  Շիրինյանը  խոսեց  ՀՀԿ  և  ՀՅԴ  ձևավորվող  կոալիցիայի  մասին: Քաղաքագետի  կարծիքով`  ՀՀԿ  կուսակցությունը  կարելի  է  համարել  մեծահարուստների  կուսակցություն, քանի-որ  այն օլիգարխիայի  կազմակերպման  ձևերից  մեկն  է: «Հանրապետական    կուսացությունը  իրեն  հռչակել  է  ազգային  պահպանողական  կուսակցություն:Կարող  ենք  ասել  սա  մեծահարուստների՝  Հայաստանի  Հանրապետության  շրջանում  աճած  մարդկանց  քաղաքական   կազմակերպություն  է:Այսինքն՝  սա  աշխատավորական  կառույց  չէ:Սա  օլիգարխիայի  կազմակերպման  ձևերից մեկն  է»,-հայտնեց  Լևոն  Շիրինյանը: Բանախոսի  համար  այս  հարաբերությունները  անհասկանալի  են և  զարմանալի  է  համարում  աջ  կենտրոնամետ  և  ձախ  ազգային  կուսակցության  միավորումը: «Իշխանությունը  գիտի, որ  Դաշնակցությունը  90-ական  թ. այնպիսի ընդդիմություն  դարձավ, որ  ՀՀՇ-ն,  ըստ  էության,  չկարողացավ  դա    մարսել:Դրա  համար իշխանությանը  ձեռնտու է  այն  ուժերից  մեկը, որը  կարող  է  ժողովրդին  ոչ    միայն գաղափարով,  այլ  նաև  կառույցով  միավորել՝  իր  կողմը  ներգրավել:Եթե  այս  կառույցը  ընդդիմանա՝ իշխանությունը չի  կարող  մարսել  այն,ինչ  հիմա  մարսում է  և  նրանց  շարքից  դուրս  են  հանում՝  պաշտոններ  առաջարկելով»,-վերջում  հավելեց  քաղաքագետը:   Լուսինե  Միքաելյան