Ղարաբաղի հարցում ռեւանշի հասնելու՝ Բաքվի հույսերը ավելի շուտ պատրանքներ են. Կազիմիրով
Ադրբեջանը շահագրգռված է, որ ղարաբաղյան հակամարտության գոտում լարվածության պարբերական սրումներ լինեն: Այս մասին NEWS.am–ի հետ զրույցում ասել է ԵԱՀԿ Մինսկի խմբի նախկին համանախագահ, դեսպան, ՌԴ դիվանագիտական ծառայության վաստակավոր աշխատակից Վլադիմիր Կազիմիրովը: Միաժամանակ նա հույս է հայտնել, որ պաշտոնական Բաքուն կգիտակցի Ղարաբաղի համար նոր «մեծ պատերազմի» ռիսկերը՝ սեփական ռիսկերը՝ իր երկրի համար: «Բայց հնարավոր է, դեռ հույս ունեն, որ տարածաշրջանում այնպիսի հանգամանքներ կստեղծվեն, որոնք կնվազեցնեն դրանք (ռիսկերը): Իսկ եթե հանկա՞րծ: Այս հույսերը ավելի շատ պատրանքներ են: Բայց Բաքուն չի ուզում հրաժարվել նաեւ այդ կասկածելի ռեսուրսից՝ համենայն դեպս»- նշեց Վլադիմիր Կազիմիրովը: Իշխանությունը պահելու համար, շարունակեց դիվանագետը, որոշ մարդկանց լարվածությունը ոււ ռազմական հաջողությունների, այսինքն ռեւանշի մասին բարձրագոչ հայտարարությունները անհրաժեշտ են: «Ճիշտ է, Բաքվի ակնկալիքները երկսայր փայտի են նման: Այն կարող է մի օր հարվածել նաեւ բոլորովին հակառակ կողմից»,- հավելել է Վլադիմիր Կազիմիրովը:
Հետևեք մեզ Viber-ում
