Ավերիչ տորնադո՝ Ամերիկյան Ինդիանա նահանգում
Երեք ուժեղ տորնադո է տեղի ունեցել ԱՄՆ Ինդիանա նահանգի կենտրոնական մասում, որի հետեւանքով լուրջ վնաս է հասցվել ենթակառուցվածքներին, շուրջ 15-20 մարդ է տուժել, հաղորդում է CNN-ը: Նահանգի ոստիկանության տվյալներով, տուժածները Հուարդի շրջանի բնակիչներ են: «Արձնագրված վնասվածքներն այս պահին թեթեւ են, նրանց մեծ մասը թռչող առարկաների հարվածների արդյունք է»,-ասված է ոստիկանության հաղորդագրությունում: Քոքոմոյի քաղաքապետ Գրեգ Գուդնայթը հայտնել է, որ աղետը «լուրջ վնաս է հասցրել ունեցվածքին»: «Ես գտնվում եմ բնակելի թաղամասում, այստեղ ավերված են բազմաթիվ տանիքներ, կոտրվել են ապակիներ, չկա էլեկտրականություն: Սա զգալի վնաս է: Այս պահին ես տեսնում եմ 50 վնասված տուն, եւ մենք դեռ շարունակում ենք ստուգել»,-ասել է նա:
Հետևեք մեզ Viber-ում
