Աշխարհի ամենամեծ օդանավն ընկել է Անգլիայում

Airlander 10 հիբրիդային ինքնաթիռը, որը համարվում է աշխարհի ամենամեծ ավիափոխադրամիջոցը, ընկել է Անգլիայում փորձնական թռիչքի ժամանակ։ Այս մասին հայտնում է Reuters գործակալությունը։ Ավիափոխադրամիջոցի մշակող Hybrid Air Vehicles ընկերության տվյալներով՝տեղի ունեցածի հետևանքով տուժածներ չկան։ Օդանավն ընկել է հեռագրասյուներին հարվածելուց հետո։ Անկման հետևանքով վնասվել է խցիկը։ Դա սարքի երկրորդ փորձնական թռիչքն էր։ Ինչպես և առաջին անգամ՝ այն մեկնարկել էր Քարդինգթոն աերոդրոմի շրջանում՝ Լոնդոնից 73 կմ հյուսիս։ Airlander 10-ը ինքնաթիռի, ուղղաթիռի և դիրիժաբլի հիբրիդ է։ Հելիումով լցված ավիափոխադրամիջոցը, որն ունի 92 մետր երկարություն, կարող է օդում գտնվել 2 շաբաթ։ Այն ավելի քիչ վառելիք է կիրառում, քան ինքնաթիռը, և ավելի բարձր բեռնատարողություն ունի, քան դիրիժաբլը։ Սարքը կարող է հասնել 4.9 կմ բարձրության և շարժվել մինչև 148 կմ/ժամ արագությամբ։ Ի սկզբանե այն մշակվել էր ամերիկացի զինվորականների համար, ովքեր ծրագրել էին կիրառել այն Աֆղանստանում հետախուզական նպատակներով։