Զեկույցը քաղաքական ենթատեքստ չունի. Միլիցա Մարկովիչ
«Ադրբեջանի սահմանամերձ շրջանները միտումնավոր զրկված են ջրից» խորագրով բանաձևի նախագիծը այսօր չպետք է քվեարկվի, այլ պետք է վերամշակվի։ ԵԽԽՎ պատվիրակներին մինչ քվեարկությունը առաջարկեց հայ պատվիրակ Արմեն Ռուստամյանը, որը հիշեցրեց, որ զեկույցի հեղինակը չի եղել տեղանքում եւ օգագործում է ադրբեջանամետ ձեւակերպումներ։ Հեղինակը՝ Բոսնիայի ու Հերցեգովինայի ներկայացուցիչ Միլիցա Մարկովիչը , պարզաբանեց, թե ինքը փորձել է, սակայն հայկական կողմը չի ընդառաջել։ Նա զեկույցի ընդունումը համարում է ազդանշան օգնելու տեղական բնակչությանը։ Սարսանգի ջրամբարի վերաբերյալ ԵԽԽՎ-ում ներկայացված զեկույցը քաղաքական ենթատեքստ չունի, սա սոցիալական հարցը լուծելուն միտված փաստաթուղթ է,հայտարարեց Բոսնիայի և Հերցոգովինայի խորհրդարանի պատգամավոր, զեկույցի հեղինակ Միլիցա Մարկովիչը: Մարկովիչն անդրադարձավ այն կարծիքներին, որ ԵԽԽՎ-ն իրավունք չունի զբաղվել ԼՂ հակամարտությանը վերաբերող հարցով: «Մենք փորձում ենք գտնել ճանապարհներ՝ հակամարտության պոտենցիալ լուծման համար: ԵԱՀԿ Մինսկի խումբը, որի շրջանակներում է գտնվում հարցը, իր գոյության 20 տարիների ընթացքում չի գտել կոնկրետ լուծում, չի տվել ելք՝ ինչպես կարելի է լուծել հակամարտությունը: Ասում են, որ մենք չպետք է մտնենք այս հարցի քննարկման մեջ, որովհետև Մինսկի խումբն է, ով լիազորած է հարցի կարգավորմամբ: Ես իհարկե հարգում եմ Մինսկի խումբը, ՄԽ աշխատանքը, բայց ԵԽԽՎ-ն չի կարող աչք փակել տարածաշրջանում առկա խնդիրների վրա, տառապող ժողովրդի վրա»,- ասաց զեկույցի հեղինակը:
Հետևեք մեզ Viber-ում
