ԵԽԽՎ-ում ենք, թե՞ Մեջլիսում
«Սա ոչ այլ ինչ է, քան մեղադրական եզրակացություն Հայաստանի հասցեին»,- Ստրասբուրգում հայտարարեց ԵԽԽՎ-ում հայ պատվիրակ Արմեն Ռուստամյանը՝
ԵԽԽՎ լիագումար նիստում երկու հակահայկական նախագծերի քննարկման ժամանակ։
Զեկույցում նշված տեսակետը, թե Ադրբեջանն ամեն ինչ անում է կոնֆլիկտի խաղաղ կարգավորման համար, դա ցինզմ է, միանշանակ` ցինիզմ»,- ասաց Ռուստամյանը: Բայց սրանով էլ, նրա խոսքով, զեկուցողը չի բավարարվում, նա բառ առ բառ կրկնում է Բաքվի տեսակետը:
Արմեն Ռուստամյանը նաև հայտարարեց, որ զեկուցողը ջանք չի գործադրել անգամ այցելել ՀՀ և ԼՂՀ՝ չնայած հրավերներին:
«Իսկ ամենավատն այն է, որ այս զեկույցն ստվեր է գցում ԵԽԽՎ-ի վրա, ստիպում ներքաշվել Մինսկի գործընթացի մեջ՝ դատավորի դեր ստանձնելու փոխարեն, գրավելով Ադրբեջանի կողմը: Զեկույցն այս առումով աննախադեպ է, դժվար է անգամ պատկերացնել նման միակողմանի, կեղծ տեքստ, որը ներկայացվում է որպես զեկույց ԵԽԽՎ-ում: Սա ավելի շատ մեղադրական եզրակացություն է ՀՀ-ի նկատմամբ, որտեղ նույնիսկ Հայաստանի արդար դատավարության իրավունքը չի հարգվում: Մենք ձեզ հետ Մեջլիսում չենք նստած, բայց այդպիսի տպավորություն է ստեղծվում»,- ասաց Արմեն Ռուստամյանը:
Հետևեք մեզ Viber-ում
