Բողոքի ցույց Ստամբուլում Իսրայելի հյուպատոսարանի առաջ
Գիշերը Ստամբուլի Լևենթ թաղամասում գտնվող Իսրայելի հյուպատոսարանի առջև բողոքի ցույց է տեղի ունեցել, որն ուղղված է եղել Գազայի հատվածում Իսրայելի իրականացրած գործողությունների դեմ: Ցույցի ընթացքում ձերբակալվել է 12 հոգի, որոնցից 7-ն ավելի ուշ ազատ են արձակվել, գրում է «Ջումհուրիյեթ»-ը։ Ձերբակալվածներից Ումիթ Քայան իր ցուցմունքում այսպես է բացատրել իրավիճակը. «Մեր ընկերները համացանցի միջոցով տեղեկություն են ստացել, որ Իսրայելը հարձակողական գործողություններ է իրականացնում Գազայի հատվածում: Լուրն առած մի շարք մտահոգ քաղաքացիներ շտապեցին դեպի հյուպատոսարան` բողոքի իրենց ձայնը բարձրացնելու նպատակով: Ոստիկանները մեզ հայտնեցին, որ ներկա պահին ցանկացած տեսակի ցույց երկրի տարածքում արգելված է`3 ամսով հայտարարված արտակարգ դրության պատճառով: Սակայն մեր ընկերները որոշեցին շարունակել բողոքի ակցիան, մեզ ձերբակալեցին և բերեցին Լևենթի ոստիկանական բաժանմունք»։ Կատարվածի առնչությամբ հետաքննություն է սկսվել:
Հետևեք մեզ Viber-ում
