Վրաստանն ու Ռուսաստանը մեծացրել են ապրանքաշրջանառությունը

2016 թվականի առաջին կիսամյակում Վրաստանի առաջին երեք առեւտրային գործընկերները Կանադան, Թուրքիան եւ Ռուսաստանն են, համապատասխանաբար՝ 19.9, 13.6 եւ 7 տոկոս տեսակարար կշռով: 2016 թվականի առաջին կիսամյակում ՌԴ-ն եւ Վրաստանը մեծացրել են ապրանքաշրջանառության ծավալները: 2015 թվականի նույն ժամանակահատվածի ցուցանիշի հետ, ապրանքաշրջանառությունը երկու երկրների միջեւ ավելացել է 16 տոկոսով՝ հասնելով 459.6 միլիոն ԱՄՆ դոլարի: Մանրամասնվում է, որ վրացական ապրանքների արտահանումը Ռուսաստան ավելացել է 19.2 տոկոսով՝ հասնելով 101.4 միլիոն ԱՄՆ դոլարի, իսկ ռուսական ապրանքների ներմուծումը Վրաստան աճել է 15.1 տոկոսով՝ հասնելով 358 միլիոնի: