Մոուրինյոն` Պոգբայի մասին
«Մանչեսթեր Յունայթեդի» գլխավոր մարզիչ Ժոզե Մոուրինյոն կարծիք է հայտնել Պոլ Պոգբայի մասին, որը գրեթե 1 միլիոն եվրոյի դիմաց լքել էր անգլիական թիմը: «Ալեքս Ֆերգյուսոնի հետ փոխանակվեցին Պոգբայի՝ 4 տարի առաջ թիմից հեռանալու շուրջ կարծիքներով: Գիտեմ, որ սըր Ալեքսն ու ակումբն ամեն ինչ արել են, որ Պոլը մնար: Հեռանալու որոշումը ֆուտբոլիստի ու նրա գործակալի կողմից է կայացվել: Հաշվի առնելով, թե հետագայում ինչ տեղի ունեցավ, դա հիանալի որոշում էր: Կարծում եմ՝ «Մանչեսթեր Յունայթեդի» համար կարևոր է ցույց տալ, որ ակումբը չի վախենում վերադարձնել Պոգբային: Եթե դուք կորցրել եք խաղացողին, դա չի նշանակում, որ չպետք է օգտվեք նրան վերադարձնելու հնարավորությունից: Չելսին նույն սխալն էր թույլ տվել Նեմանյա Մատիչի դեպքում, իսկ մի քանի տարի անց ես պնդեցի, որ ակումբը վերադարձնի նրան: Մենք արդեն մեկ սխալ թույլ ենք տվել, ինչո՞ւ կրկնենք այն՝ բաց թողնելով մեզ անհրաժեշտ ֆուտբոլիստին:Այնպես որ Պոգբան վերադարձել է և ինձ թվում է նա իսկապես ուրախ է այստեղ խաղալու կապակցությամբ»,- պորտուգալացու խոսքերն է մեջբերում «The Daily Express»-ը:
Հետևեք մեզ Viber-ում
