Ռուսաստանը, հնարավոր է, եվրապարտատոմսեր թողարկի

Ռուսաստանն այլևս պարտք չի տա և նույնիսկ ինքն է պատրաստ սկսել պարտք վերցնել: Գազետա.ռու կայքի հաղորդմամբ, կառավարության այսպիսի ծրագրերի մասին պատմել է  ֆինանսների փոխնախարար Սերգեյ Ստորչակը: «Այժմ ֆինանսական վիճակը փոխվել է, մենք հազիվ թե գնանք ցանկացած երկրի վարկ տալու քայլի»,- ասել է նա: Ֆինանսների փոխնախարարի խոսքով, 2015-ին ՌԴ-ն հատկացրել է 10 վարկ, բայց այս տարի որոշվել է վերջ տալ նման պրակտիկային: Միակ երկիրը, որը կարող է 2016-ին վարկ ստանալ, ըստ նրա, Իրանն է: Նրա խոսքով, Ռուսաստանը, հնարավոր է, այս տարի եվրապարտատոմսեր թողարկի: «Ապրենք, տեսնենք: Հնարավոր է»,- հայտարարել է նա՝ միաժամանակ հավելելով, որ դեռևս անհրաժտություն չկա, չնայած այդ հարցի որոշումը կարող է արագացնել օտարերկրյա ներդրողների հետաքրքրության աճը: Ավելի վաղ հաղորդվել էր, որ օտարերկրյա ներդրողներն ազատվում են ռուսական ակտիվներից: