Վրաստանի մաքսայինները ձերբակալել են մի ադրբեջանցու

Վրաստանի մաքսայինները ձերբակալել են մի ադրբեջանցու, ով փորձում էր 18,6 կիլոգրամ ընդհանուր քաշով 19 հատ չհայտարարագրված ոսկու սալիկներ տեղափոխել Վրաստան: Ինչպես հայտնում է apsny.ge-ն, ադրբեջանցին փորձում էր Վրաստան մուտք գործել «Կարմիր կամուրջ» անցակետով: Նշվում է, որ սալիկները տարբեր չափի են եղել, ոսկու կարգը նույնպես տարբեր է եղել: Ադրբեջանի քաղաքացին դրանք պահել էր հատուկ թաքստոցում՝ մեքենայի հետեւի նստատեղի եւ բեռնախցիկի արանքում: Ըստ վրացի սահմանապահ մաքսայինների, առգրավված ոսկու արժեքը կազմում է շուրջ 572.6 ԱՄՆ դոլար: