Ձերբակալություններ Պետերբուրգում. ժամանել են մեծ թվով հատուկջոկատայիններ

Ռուսաստանի Անվտանգության դաշնային ծառայությունը անօրինական կազմավորումների մասնակիցների ձերբակալման գործողություն է իրականացնում Պետերբուրգի Կիրովի շրջանում, կազմավորումներ, որոնք գործում են Հյուսիսային Կովկասի տարածքում: Այս մասին գրում է Lenta.ru-ն՝ նշելով, որ օգոստոսի 17-ի առավոտյան այնտեղ են ժամանել ՌԴ ազգային գվարդիայի մարտիկները, Անվտանգության դաշնային ծառայության ներկայացուցիչներ: «Լենինի պողոտայի թիվ 92 բազմաբնակարան բնակելի շենքի թիվ 3 բնակարանում իրականացվում են այն անձանց կալանավորման միջոցառումներ, որոնք դաշնային հետախուզման մեջ են գտնվում հյուսիսկովկասյան տարածաշրջանի տարածքում անօրինական զինված կազմավորումների մասնակցելու մեղադրանքով»,- ասել է գերատեսչության ներկայացուցիչը: